𝗩𝗔𝗩𝗔𝗞𝗔 𝗛𝗢 𝗔𝗡'𝗡𝗬 𝗧𝗔𝗢𝗡-𝗝𝗢𝗕𝗜𝗟𝗬 2025.

Ry Rainay any an-danitra ô,

Ny finoana izay nomenao anay ao amin'i Jesoa Kristy Zanakao sady Zokinay dia toa afom-pititiavana manenika ny fonay tamin'ny alalan'ny Fanahy Masina, mba velomy ao anatinay ny fanantenana sy ny fahasambarana amin'ny fiavian'ny Fanjakanao.

Ny fahasoavanao anie hahatonga anay ho mpiasa mavitriky ny fitoriana ny Evanjely izay hampijoro, hanome aina ny Olombelona sy izao rehetra izao, hiandry amim-pitokiana ny lanitra vaovao sy ny tany vaovao. Ka rehefa resy ny herin'ny ratsy rehetra dia hiseho mandrakizay ny Voninahitrao.

Koa ny fahasoavan'ny taon-jobily anie hamelona indray ao aminay, Mpivahinin' ny fanantenana, ny faniriana fatratra ny zavatry ny lanitra, ary hampanjaka eo amin'izao tontolo izao ny hafaliana sy ny fiadanan'ilay mpanavotra anay.

Ho anao Andriamanitra irery ihany anie ny dera sy ny Voninahitra mandrakizay. Amen !

𝗧𝗲𝘅𝘁𝗲: © 𝗩𝗮𝘁𝗶𝗰𝗮𝗻- 𝗝𝗼𝗯𝗶𝗹𝗲́ 2025.

𝗜𝗺𝗽𝗿𝗶𝗺𝗮𝘁𝘂𝗿: 𝗠𝗴𝗿 𝗥𝗼𝘀𝗮𝗿𝗶𝗼 𝗦𝗮𝗿𝗼 𝗩𝗲𝗹𝗹𝗮.

𝗢.𝗣.𝗠.𝗠𝗮𝗱𝗮𝗴𝗮𝘀𝗰𝗮𝗿.